Работилница за инспектирање на опремата што содржи средства за ладење
Скопје, 19 Декември 2019
Работилница за инспектирање на опремата што содржи средства за ладење
Со цел да се помогне на инспекторатот во процесот на инспектирање на пазарот на разладни средства и останати супстанции кои ја осиромашуваат озонската обвивка, Националната канцеларија за заштита на озонската обвивка организираше работилница која се одржа на 19.12.2019. На ова работилница свој придонес дадоа ѓ-ѓа Снежана Иличич, интернационален експерт и ѓ-ѓа Диана Рачки, претставник од хрватскиот државен инспекторат, кои го споделија своето искуство oд имплементација на Монтреалскиот прокол и неговите амандмани во Република Хрватска. Покрај нив, на работилницата присуствуваа 26 партиципанти меѓу кои инспектори од сите региони во Македонија како и претставници од Канцеларијата за заштита на озонската обвивка.
Првата презентација беше краток осврт на потребата од заштита на озонската обвивка, Монтреалскиот Протокол и Амандманите како и националната легислатива во однос на оваа проблематика. Потоа беше објаснета улогата на Државниот инспекторат за Животна Средина, улогата, моменталните проекти, идни планови како и самата организациска структура на Инспекторатот.
Националната легислатива на Република Хрватска, која е транспонирана од Европската, ја објасни ѓ-ѓа Иличич, со осврт на обврските на компаниите, сервисерите како и со можни сценарија како промените во регулативите и директивите под влијание на Монтреалскиот протокол, би можеле да влијаат во намалување на штетните емисии на супстанции кои ја осиромашуваат озонската обвивка и/или допринесуваат кон глобално затоплување.
Ѓ-ѓа Рачки, ја објасни улогата на хрватскиот инспекторат за животна средина, нивните задачи и обврски со цел имплементација на новите регулативи, со посебен осврт на Европската регулатива 517/2014. Меѓу другото, ѓ-ѓа Рачки презентираше како фунционира тренингот и тренинг центрите за сервисери и под кои услови работат тие во Република Хрватска, процедурите на увоз и извоз на штетни супстанции како и неколку случаи на криумчарење, односна илегална трговија со истите.
Оваа работилница имаше за цел споделување искуство на хрватските преставници но и помеѓу македонските инспектори, како и простор за дискусија за понатамошни потенцијални измени во законот со цел подобрување на системот кој се справува со овие супстанции.
Галерија слики